杨茜尧狂接Job 罗子溢盼带挈吸金不奢望齐封帝后

艺人罗子溢与视后杨茜尧由拍拖到结婚步入第8个年头，一直无惧外界的声音，子溢坦言双方早已无分你我。谈到茜尧最近凭主演剧《黑色月光》人气再飙升兼工作不断，子溢直言希望老婆带挈搵银，更称会「落重注」，全力助攻她再登视后宝座！视后杨茜尧在现时热播中的台庆剧《黑色月光》饰演复仇女王，向来好戏的她，一秒变脸的演技以及充满杀气的眼神均获激讚，被推为今年视后大热之选，剧集更在内地影视平台稳夺「港剧No.1」，让台前幕后振奋不已！茜尧的老公罗子溢日前接受东网独家访问，透露《黑》剧在内地尚未播完时，老婆的商演及工作已接踵而至，身价水涨船高，难怪他打趣说：「需要夫妻档嘅话，益埋我就最好！」原本他们计划圣诞节一家四口出埠旅行享家庭乐，如今茜尧相信未能挤出时间，美梦或许成空。问到会否担心外界再次拿他们的事业成绩作比较？子溢大方表示：「我希望佢再闯高峰喎，我睇好佢㗎，真係唔怕有比较，因为我哋点做都係为咗头家，大家谂嘅嘢係同一个方向，希望佢叻啲啦！女演员嘅演艺寿命始终比男嘅短，男嘅可以上落几次，只要肯努力，机会点都仲有嘅。」他之前在剧集《婚后事》的演技备受肯定，是今年视帝人选，问到会否希望与老婆在颁奖礼齐齐「称帝封后」？他笑说：「奢望嚟啫，我对佢有信心，对自己就平常心。不过今年都好满意自己嘅成绩，觉得有好大进步，起码《婚后事》得到大家嘅认同，而且谈论度好高。如果畀我拣嘅话，梗係投（票）喺佢身上啦，佢机会大啲嘛！」罗子溢不担心被老婆杨茜尧比下去。杨茜尧最近凭主演剧《黑色月光》人气再飙升。罗子溢希望杨茜尧再闯高峰。罗子溢大爆老婆接Job接到冇停手！罗子溢对争视帝平常心。罗子溢表示好满意自己今年的成绩，觉得有好大进步。《婚后事》赢得剧迷讚赏，罗子溢心满意足。拍剧受苦有隐疾茜尧予人硬朗感觉如女汉子，子溢大爆老婆鲜为人知的一面：「佢对住我好温柔㗎，名副其实嘅贤妻良母，有时仲好似细路女添！（好嗲？）佢有时会需要爱的抱抱啰，即使喺啲小朋友面前，我哋都会揽揽锡锡，畀佢哋知道父母就係要咁恩爱，相信对佢哋将来嘅婚姻价值观会有正面影响。」不说不知，原来茜尧昔日频频演古装，策骑戏码及分量十足的头饰都令她留有永久性伤患，子溢透露：「佢主要伤及腰同颈椎，所以由拍拖开始，我习惯咗每晚帮佢按摩，睇佢有乜需要。佢真係一位好妈妈，即使自己好痛，都会尽力照顾小朋友，从来冇听佢呻过一句，而之前喺内地开剧，尽可能都赶返香港睇住头家。」他们的婚姻踏入第8个年头，子溢笑说：「点解个个都咁锺意讲7年之痒嘅？我同老婆讲，我从来都冇痒过，依家仲要过埋安全线添，哈哈！」罗子溢计划圣诞节一家四口出埠旅行享家庭乐。罗子溢大爆每晚都会帮老婆按摩，相当恩爱。罗子溢大讚老婆係一位好妈妈，尽力照顾好小朋友。场地: Cordis Hotel髮型: JanChiu@IL Colpo化妆: Reghan首饰:MaBelle Diamond其他人也在看