香港食泰国菜选择好多，不过近年就愈来愈兴新派泰菜，好味得嚟又令人惊喜，一齐睇吓边间啱心水！超人气长龙店 泰排档图：esfoodse日日都大排长龙嘅小店，大厨係米芝莲泰菜Samsen出身，难怪唔少人对佢有期待啦～以平实又地道嘅泰国街头风味着称，连价钱都好经济实惠呀。必试嘅招牌菜式包括虎虾醉猫炒河同和牛船麵，前者结合咗泰式香料同香港熟悉嘅河粉，特别一提河粉真係烟韧得嚟又够滑，好出色！炒河粉吸收咗浓郁嘅酱汁同香料，香辣开胃，仲带有独特酒香，令味道更加立体，虎虾都好爽弹。和牛船麵将高质嘅和牛融入传统泰国船麵嘅汤底，汤底以牛骨、香料同草药熬製而成，浓郁芳香，和牛入口即化，带出满满嘅牛肉鲜香。另外仲有泰式蚝饼同飞天通菜都值得试㗎。高质泰西fusion菜 Foodhall by Moon Thai图：KATHY WONG高质嘅泰西fusion菜，装修结合咗泰国地道风味同时尚风格，带嚟轻鬆又富异国情调嘅用餐体验。招牌菜式包括和牛船麵，汤底以浓郁嘅香料熬煮，入口辛辣香浓，完美配搭入口即化嘅和牛，牛肉鲜嫩且充满肉香；蟹肉炒饭则加入大量鲜甜蟹肉，炒得粒粒分明，香气四溢，令人一试难忘。沙嗲羊肉串烧亦係人气之选，羊肉经过泰式沙嗲酱腌製后烤製，肉质软嫩多汁，沙嗲味浓郁且带有微微辛辣。饮品就推介泰式髒髒奶茶，茶味浓得嚟带点甜，而且仲好香滑𠻹。米芝莲推介泰国菜 Restoran SAYA图：JanlyJudy连续两年获米芝莲必比登推介嘅泰国菜馆，主打味道更强烈嘅泰北菜～必试菜式包括泰北咖喱金麵，汤底浓厚香辣，金黄色嘅汤汁带有椰浆嘅顺滑同香料嘅浓郁，麵条烟韧弹牙，鸡肉经过炭烧非常香，令人食过返寻味。泰式荔枝红咖喱烧鸭係餐厅嘅另一亮点，以香甜嘅荔枝同浓郁嘅红咖喱搭配，烧鸭外皮香脆，肉质鲜嫩，咖喱微辣带甜，成个味道层次非常丰富，十分开胃。泰式炭火盐烧鱼用上鲜鱼经过盐腌製后炭火慢烤，鱼皮香脆，鱼肉鲜嫩多汁，配上特製酱汁食用，完美呈现出泰式烧烤嘅独特风味。西环异国风味泰菜 泰夸张图：WingShanwws呢间泰菜小店设计色彩鲜豔，好似一间异国风cafe咁，一踏入即感受到浓厚嘅异国情调。泰式酸辣清汤用大量香茅、南姜、青柠熬製，酸辣味道浓烈且清新，带出强烈嘅泰式风味，配上鲜嫩嘅虾肉或鱼片，每一啖都充满刺激感。黄咖喱软壳蟹亦係人气之选，软壳蟹炸至酥脆，口感轻盈而不油腻，浸喺香浓嘅咖喱酱入面仲可以保留到口感，最正嘅係佢个麵包盎，畀咖喱浸完之后劲香浓。另有鹹蛋鱿鱼、蟹肉奄列同芒果糯米饭都值得一试～文：Yanica编：Cathy其他人也在看
