笑到最后｜明年目标：八万五（高明）

印度无疑係下一个大国崛起国，论人口已经係世界第一。 (DEV IMAGES via Getty Images)

今日讲印度Sensex 指数。

下载财经APP

美股外币即时报价 多国新闻任睇

印度係下一个大国崛起国

印度Sensex 指数喺10月持续下跌，由高位八万五跌至最新79402点。主要原因係外国投资者（FPI）大规模撤资，令市场受压。仅喺10月初几个交易日内，外资就撤出咗超过1500亿卢比（138.6亿港元），投行Jefferies统计，期内外资减咗1%印度股票，加咗2%中资股。因为中国股市反弹，令部分国际资金转场至中国市场。新兴市场之间係国际资金嘅竞争对手，呢啲就无谓多讲。

不过，印度无疑係下一个大国崛起国，论人口已经係世界第一。据罗兵咸同大摩预测，印度将成为全球第三大经济体，2025年GDP增长将达到6.6%至7%之间，并可能到2030年超越日本和德国，跻身世界三甲。

经济增长最好宣传

经济增长其实同股价上升冇直接关係，因为资金把握经济增长机遇，唔一定只係靠股票。不过，经济增长就係股市嘅最好宣传，虽然10月回落，但随着明年经济再度升温，又会再引其他投资者入局。

Sensex嘅主要成份股包括科技公司、消费品巨头和金融机构，例如信实工业（Reliance Industries）、塔塔谘询服务（Tata Consultancy Services）同HDFC银行（HDFC Bank）。由于业务稳健、全球业务扩张以及对数码化转型的投资，将继续推动指数上升。

对于投资者而言，较为直接嘅方式係买ETF（交易所买卖基金），包括：iShares MSCI India ETF (INDA)、WisdomTree India Earnings ETF (EPI)，及Franklin FTSE India ETF (FLIN)。有美股户口就买到，都几容易。

过去5年，Sensex每年平均升幅为8%，以79402点计，85000点目标为升7%。八万五，其实唔难。

高明

facebook

IG

作者简介︰赚钱係目标，炒股係手段，专栏记载由手段到目标嘅过程。

本栏逢周六刊出

热门新闻